វត្តសុរភី
ដោយ តាន់ សុមេធា
វត្តសុរភី ឬវត្តកកោះ គឺជាទីតាំងពិឃាតមួយក្នុងចំណោមទីតាំងពីរដែលមានការសម្លាប់ មនុស្សយ៉ាង ច្រើននៅក្នុងស្រុកបាទី ខេត្តតាកែវ ដែលជាភូមិភាគនិរតីក្នុងសម័យខ្មែរក្រហម។ នៅក្នុងរបាយការណ៍ ស្តីពីទីតាំងពិឃាតនៅស្រុកបាទី ដែលបានចងក្រងដោយមជ្ឈមណ្ឌលឯកសារកម្ពុជា ដោយបានសម្ភាស អ្នកនៅរស់រានមានជីវិតពីការជាប់ឃុំឃាំងនៅមន្ទីរសន្តិសុខវត្តកកោះនេះបានឲ្យដឹងថា ការសម្លាប់ចាប់ ផ្តើមមានឡើងតាំងពីចុងឆ្នាំ១៩៧៣ ខណៈតំបន់នេះស្ថិតនៅក្នុងតំបន់រំដោះ។ នៅក្នុងវត្តនេះ មាន បូជនីយដ្ឋានតំកល់ឆ្អឹងជនរងគ្រោះមួយកន្លែងដែលប្រជាជនរស់នៅជុំវិញវត្តបានគាស់យកឆ្អឹងចេញពីរណ្តៅសាកសពដើម្បីធ្វើបុណ្យតាមប្រពៃណីព្រះពុទ្ធសាសនា។ អគារមួយចំនួននៅក្នុងវត្តនេះ ត្រូវបានទុកចោល ដោយសារតែមានអគារថ្មីៗជាច្រើនត្រូវបានសាងសង់ឡើងវិញ។
ច្រកចូលខាងកើតវត្តសូរភី នៅតាមបណ្តោយផ្លូវជាតិលេខ២។ ប្រសិនបើធ្វើដំណើរដោយ ម៉ូតូពីភ្នំពេញ ទៅកាន់វត្តនេះ គេត្រូវចំណាយពេលប្រហែល ៦០នាទី។
ព្រះវិហារចំណាស់នេះត្រូវបានគេទុកចោលនាពេលបច្ចុប្បន្ន។ នៅក្នុងសម័យខ្មែរក្រហម ព្រះវិហារនេះគឺជា គុក។ ខ្មែរក្រហមបានចោះខឿនរបស់ព្រះវិហារដើម្បីដាក់ខ្នោះឃុំឃាំងអ្នកទោស។
ព្រះវិហារចំណាស់នេះត្រូវបានគេទុកចោលនាពេលបច្ចុប្បន្ន។ នៅក្នុងសម័យខ្មែរក្រហម ព្រះវិហារនេះគឺជា គុក។ ខ្មែរក្រហមបានចោះខឿនរបស់ព្រះវិហារដើម្បីដាក់ខ្នោះឃុំឃាំងអ្នកទោស។
ស្តូបតំកល់អដ្ឋិធាតុនៃជនរងគ្រោះពីសម័យខ្មែរក្រហមត្រូវបានសាងសង់ឡើងដើម្បីរំលឹកវិញ្ញាណក្ខន្ធអ្នកដែលបានបាត់បង់ជីវិតនៅក្នុងមន្ទីរសន្តិសុខវត្តសូរភីក្នុងសម័យខ្មែរក្រហម។ស្តូបនេះត្រូវបានជួសជុលឡើង វិញដោយអ្នកនៅរស់រានពីរបបនេះដែលឪពុកគាត់ត្រូវបានសម្លាប់នៅក្នុងវត្តនេះ។
ស្តូបតំកល់អដ្ឋិធាតុនៃជនរងគ្រោះពីសម័យខ្មែរក្រហមត្រូវបានសាងសង់ឡើងដើម្បីរំលឹកវិញ្ញាណក្ខន្ធអ្នកដែលបានបាត់បង់ជីវិតនៅក្នុងមន្ទីរសន្តិសុខវត្តសូរភីក្នុងសម័យខ្មែរក្រហម។ស្តូបនេះត្រូវបានជួសជុលឡើង វិញដោយអ្នកនៅរស់រានពីរបបនេះដែលឪពុកគាត់ត្រូវបានសម្លាប់នៅក្នុងវត្តនេះ។
ឆ្អឹងលលាដ៍ក្បាលដែលប្រជាជនប្រមូលទុក ហើយដាក់តម្កល់នៅក្នុងស្តូបនេះ។ ប្រជាជនអះអាងថា អដ្ឋិធាតុ នៅក្នុងស្តូបនេះមានត្រឹមតែ១/៥តែប៉ុណ្ណោះ។
បឹងស្ថិតនៅជាប់នឹងស្តូបតំកល់អដ្ឋិធាតុនៅក្នុងវត្តសុរភី។ បឹង២ធំៗនៅក្នុងវត្តនេះ ត្រូវបានគេជឿថា ជាកន្លែងដែលទម្លាក់សាកសពមនុស្ស បន្ទាប់ពីសម្លាប់នៅក្បែរបរិវេណបឹងនៅក្នុងរបបនោះ។
សាច់រឿងពាក់ព័ន្ធ
កម្រងរូបភាពថ្មីៗ
ដំណាក់កាលដែលប្រជាជនកម្ពុជាបានឆ្ល...
សូ វិទូ
មន្ទីរសន្តិសុខវត្តបារាយណ៍ជាន់ដ...
ទ្រី សុជាតា